ذهبت اليوم لقسم الصيانة في الشركة لتصليح عطل بسيط في الكمبيوتر الخاص بي. وهناك وجدت أحد زملائي وقد اكتسي وجهه بحزن عميق فسألته :
-مالك يا محمد.. خير ؟
-الهاردديسك بتاعي مات.
-يا راجل! إزاي ده حصل طيب؟ هو الجهاز وقع منك ولا حاجه ؟
-أبدا..كنت شغال عادي خالص و عملت standby وبعد فترة رجعت للجهاز و حاولت اشغله تاني ظهر لي شاشة ال Blue death وبعدها الجهاز ماشتغلش تاني. حاولت أوصل الهاردديسك علي جهاز تاني الجهاز التاني برضه ماتعرفش علي الهاردديسك بتاعي والجهازهنج.
-يا راجل .. كده مرة واحدة !! طب والحاجات اللي علي الهاردديسك .. ؟
-كله راح.
-كل حاجة! هو أنت معندكش أي نسخة من ملفاتك المهمة في أي مكان تاني ؟
-لأ.. كل ملفات الشغل من أول ما جيت الشركة و كل الايميلات و الشغل اللي شغال فيه من أسبوعين وحتي كل ملفاتي الشخصية و حساباتي و مواعيدي..كلها راحت.
طبعا موقف مرعب! والكل معرض له في أي لحظة و بدون سابق إنذار كما حدث لزميلي : الموت المفاجئ للهاردديسك.
ملفات كثيرة مهمة -كملفات العمل و البرامج و ملفات الاكسل التي بها الحسابات الشخصية و كلمات السر و المواعيد المهمه- أغلبنا يحتفظ بها في مكان واحد ولا توجد لديه نسخ احتياطية منها.
وسائل ال Backup كثيرة و متنوعه ابسطها ان يكون لديك هاردديسك اخر تضع عليه نسخ احتياطية من ملفاتك.أو تضعها علي CD و تحدث محتوياته من حين لآخر. وإذا كان لديك اتصال انترنت سريع يمكنك أن تستخدم أحد المواقع التي توفر خدمة ال Online Backup.
ليست هناك تعليقات:
إرسال تعليق