كشكولي الخاص ستجد فيه آرائي وكتاباتي و خواطري وربما يومياتي .. أتمني أن تستمع بوقتك هنا ومرحبا بك في أي وقت :)

الأحد، 1 يوليو 2007

بقيت جافا certified اخيرا



الأول قبل ما تقرأ البوست خدلك كوباية عصير ساقع وحته من التورته حلاوة النجاح :)
الحمد لله بعد مذاكرة أكثر من شهر وقراءة كتابين كاملين وحل 550 سؤال اختياري دخلت النهارده امتحان شهادة 5.0 SCJP أو Sun Certified Java Programmer 5.0 والحمد لله نجحت بنتيجة ممتازة 97% وكده بأه معايا شهادة من شركة Sun -اللي عاملة لغة الجافا- اني بافهم في البرمجة :)
بس برضه الواحد لسه مش عارف يتخلص من الأعراض المصاحبة لإمتحانات الكلية والثانوية العامة -الغريب ان امتحاني جاء متزامن معاها- من كركبة البطن والسهر للفجر والقلق والحلم بأنك في الامتحان ومش عارف تحل حاجه ومأمأة العين في الورق والحته دي مش فاكرها والحته دي مش متأكد منها الخ.. يووه صداع طويل والحمد لله جه بنتيجة والواحد خلص.

أي حد ناوي يدخل الامتحان ده لازم يعمل الاتي :

اختار كتاب كويس يكون اللي كاتبه بيعرف يشرح وفي نفس الوقت يكون مخصوص للاستعداد للامتحان مش كتاب عام في الجافا وانصح بكتاب اسمه McGraw-Hill - SCJP Sun Certified Programmer for Java 5 6 Study Guide (Exam 310-055) - 2006 مؤلفته اسمها Kathy SierraandBert Bates اسلوبها في الشرح جميل جدا ومش ممل زي مؤلفين كتير تنام وانت بتقرأ لهم وفي نفس الوقت عامله في الكتاب تركيز علي التركات والأخطاء الشائعه اللي الناس بتقع فيها وفي نهايه كل فصل في الكتاب في تلخيص له علي شكل نقاط سريعة تفيدك جدا لو أنت طبعتها وذاكرتها قبل الامتحان بالضبط .

اختيار الكتاب مهم جدا لأني معملتش كده في الأول وللأسف بعد ما قريت كتاب من 500 صفحة اسمه Complete Java® 2 Certification: Study Guide, Fifth Edition بتاع اتنين اسمهم Philip Heller , Simon Roberts ندمت جدا لأنه أولا أسلوبه في الشرح يتوه ويقول ويعيد أكثر من مره بدون داعي ثانيا اكتشفت لما بدأت أحل في الأسئلة انه مش جايب سيرة لحاجات كتيرة موجودة في الامتحانات وساعتها بأه دورت علي الكتاب الأولاني وقرأته.

ونصيحة مهمة لازم تكتب برامج كتير بايدك وحاول ما تستخدمش ال auto completion بتاع ال IDEs لأنه بينسيك حاجات كتير.

بعد ما تخلص مذاكرة الكتاب يبقي انت كده قطعت نص الطريق دلوقت ابدأ بحل نماذج الوزارة قصدي نماذج الامتحان :) عشان تتعود علي الأسئلة الشيطانية والحركات والفوازير بتاعت الامتحانات أنا ذاكرت من واحد اسمه Test Killer فيه 240 سؤال يهدوا الحيل بس ممتاز جدا , اسم الملف بالضبط هو 310_055_QA_Test_Killer وفي نموذج تاني اسمه SCJP Exam - 310-055.Exam.Q.and.A.12.06.05-BBL برضه كويس بس ميغنيش عن الTest Killer.

عشان تدخل الامتحان المفروض تدفع
200$
300$ عدا ونقدا عشان تشتري تذكرة الدخول للامتحان أو الVoucher بتاع الامتحان وده لما بتشتريه بيكون عليه رقم مميز وصلاحية الvoucher ممتدة لمدة سنة من تاريخ اصداره انا اشتريت بتاعي من شركة اسمها Linux Plus في كورنيش المعادي.
بعد ما تكون خلصت مذاكرة وخلاص مظبط أمورك المفروض تحجز ميعاد تمتحن فيه عند أي مركز امتحانات معتمد من Prometric المركزين اللي أنا أعرفهم في مصر هما مركز VirgiTech (ليها فروع في القاهرة والمنصورة) ومعهد ال ITI الموجود في شارع الهرم في الجيزة بالنسبة لمركز VirgiTech لازم تكلمهم قبلها بيوم وليهم مواويل في الحجز انما الITI ممكن في نفس اليوم بس يكون من بدري و بشكل عام مريحين في التعامل عن VirgiTech وأكيد طبعا في مراكز تانية بس أنا ماعرفهمش.
قبل ما تروح تمتحن صلي ركعتين حاجة لله عز وجل وثق في ان الله لن يخذلك بإذن الله ولا تنسي دعاء الانتهاء من المذاكرة "اللهم اني استودعك ما علمت وما حفظت اللهم رده الي عند حاجتي اليه انك علي كل شئ قدير".
قبل الامتحان بتملأ استمارة فيها معلومات شخصية عندك هتطلع في بيانات الشهادة بتاعتك وبعد ما تخلص مرحلة التسجيل المفروض الموظف في المكان اللي هتمتحن فيه يعمل داونلود للامتحان بتاعك من سرفرات Prometric بيقعد حوالي 10 دقايق وبعد كده بتبدأ الامتحان.
الامتحان مكون من 72 سؤال ومدته 3 ساعات وربع فنصيحة قبل ما تبدأ الامتحان تدخل الامتحان وتظبط أمورك وتتوضأ عشان لو جه وقت الصلاة أثناء الامتحان تكون جاهز وبرضه مفيش مانع تشرب علبة عصير و-اذا كنت همتحن في الصيف-تشتريلك أزازة مية تخليها معاك عشان تركز في الامتحان وبس.
الامتحان Closed Book يعني ميكونش معاك حاجه فيها ريحة الجافا وبتقفل موبايلك وبتسلمه للموظف المسئول عنك والمفروض يديك ورقة بلاستيكية وقلم فلوماستر قابل للمسح عشان تفكر فيها لو احتجت انك تكتب حاجه واثناء الحل وطبعا بياخدها منك بعد ما تخلص الامتحان.
ابدأ ببسم الله وقل دعاء الامتحان .. الامتحان عبارة عن برنامج ويندوز وبيشتغل بوضعية full screen ومتقدرش تنزله minimize وتشغل برامج تانية طبعا عشان الناس اللي بتفكر كتير ;)
في البداية يبكون في حوالي 10 اسئلة زي استبيان كده عن الجافا -غير محسوبة في النتيجة طبعا- بعدها تبدأ الاسئلة الفعلية وهناك اكثر من نوعية من الاسئلة الاكثرية هي اسئلة ال MCQ او الاختيار من متعدد وفي السؤال بيحدد لك كم اجابة المفروض تختارها -ودي نقطة كويسة صراحة- وفي نوعيه اخري بيظهر لك كود فيه اجزاء ناقصة وانت بتكملها من جمل موجوده في السؤال بطريقة Drag & Drop.
كل سؤال ممكن تختار انك تعمل عليه علامة أو mark وممكن تكتب ملاحظة علي كل سؤال في خانه جانبية لنفسك عشان لما تراجع تبقي تقراها.
لما تنتهي من حل كل الاسئلة بيظهر لك تقرير بالاسئلة والاجابات بتاعتك والاسئلة اللي انت عملت عليها علامة بيكون قصداها لون أحمر بحيث تراجعها بسهولة وعموما اي سؤال ممكن تختاره وتفتحه من تاني للمراجعه بس هنا في مشكلة صغيرة ان الاسئلة اللي من نوع Drag&Drop لما تيجي تفتحها مره تانية بيمسح الاجابه بتاعتك فكده هتفكر فيها من تاني فالافضل لو كنت ناوي تراجع سؤال من دول وانت بتحل انك تكتب الحل في خانة الملاحظات او في الورقه البلاستيك اللي معاك عشان تكون اعادة كتابة الاجابه مفيهاش تفكير منك مرة اخري.
بعد ما تراجع الاسئلة بتضغط علي زر End عشان ينتهي برنامج الامتحان وبعدها بخمس ثواني - كانوا أطول خمس ثواني في حياتي مممممم مش في حياتي كلها علي الاقل في السنتين اللي فاتوا من بعد يوم كشف التجنيد- بيطبع لك تقرير علي الطابعه فيه النتيجه بتاعك اما ناجح Pass او راسب Fail ناجح بتكون من 59% وبيطبع معها تقرير عن أدائك في كل نوعية من الاسئلة مثلا أسئلة الThreads كانت 100% واسئلة الObject Oriented كانت 70% وهكذا عشان لو احتجت تقوي نفسك في جزء معين.
وبالتوفيق للجميع.
ملحوظه اخيرة : لو حد عايز الكتب اللي انا قلت عليها هنا يبقي يقولي وانا ابعتها له بإذن الله.

تحديث:
قمت برفع الامتحانات والكتاب لمن يريد أن يحملها مباشرة:
امتحان 1
امتحان 2
امتحان 3
Exam Simulator
الكتاب JAVA5
الكتاب JAVA6

هناك 43 تعليقًا:

عصفور المدينة يقول...

مبارك يا أحمد أنا سعيد جدا بيك وبارك الله فيك
بس حكاية العصير والجاتوة السيروني دي ما تنفعش معانا تيجي وتسلم نفسك ومحفظتك من سكات وإلا انت عارف

abdo يقول...

أولا السلام عليكم

ثانيا ألف مبروك النجاح فى الامتحان وعقبال اللى بعده ان شاء الله بس تأخذ فترة راحة بسيطة كدة يعنى

ثالثا بقى ودى أهم حاجة العصير والجاتوة لازم تجيبهم وتيجى وتعمل زى الأستاذ عصفور ما قال من سكات

رابعا تخلص الكتاب بتاعى تقريبا كدة حجتك خلصت
أوعى تنسى العصيروالذى منه
(:
سلام

Unknown يقول...

يا هلا ومرحبا :)
الله يبارك فيك يا باشمهندس عصفور ومتخافش طبعا احنا عنينا ليكم -عيننا مش محفطتنا ;)- ههههههههههههه

عبده
أولا وعليكم السلام
ثانيا الله يبارك فيك
ثانيا عصير وجاتوه وخرفان حتي يا عم انت بس تأمر :)
رابعا اه كده كل الحجج راحت وكده الواحد راق كتير

عمار يقول...

ألف مبروك يا أحمد معقبال الدكتوراه يارب

عمار

بن آدم يقول...

السلام عليكم الف مبرووووك يابو حميد هيه متأخره شوية معلش
اما بالنسبة لموضوع الجاتوع فبيتهيألى الناس دى بتهرج احنا لو استنينا يبقى منتش جاى احنا نلم بعضينا ونهجم عليك بس اعمل حسابك على اسبوع فى اى فندق خمس ست نجوم كدة
ونبقى نقولك الف مبروك وعليها بوسة واحدة فقط لا غير

Unknown يقول...

عمار باشا
الله يبارك فيك وآآآآمييين :)


هيما
الله يبارك فيك يارب :)

كرم مسلم يقول...

السلام عليكم
ألف مبروك النجاح وأن شاء الله لأمام على طول

دى أول زيارة لمدونتك وأن شاء الله مش الأخيرة
يشرفنى زيارتك لمدونتى

بهلوله يقول...

ياعمنا نجاح وجاتوه على الصوره ايه الجمال ده امال فين الملاعق ولا هناكل بايدينا

Dr.khaled يقول...

مبروك يا احمد
بمناسبة كده
انا عايزك بقة تعمل شوية برامجح للتليفونات اللي بتشتغل بالجافا
زي 6300
اللي مغلبني ومش لاقي له حتى برنامج المؤذن
:)
وبعدين الجاتوه والتورتة الورق مينفعونا
ش
معزومين عندكا في قصر اللؤلؤ في الجنة ان شاء الله :)

ومش هتدفع حاجة من جيبك
:)

Unknown يقول...

كرم , بهلوله, ضاكتور خالد

الله يبارك فيكم :)

أبوعمر يقول...

ألف ألف مبرووك يا أحمد
أنا فرحت جدا لما قريت الخبر
بس زي ما قال العصفور
المحفظة وتعال
زووم

abdul-salam khamis يقول...

السلام عليكم يأحمد
ومعلشي الواحد مابيدخلشي نت من فتره طويله علشان أبارك لك
بس أنا عرفت من ثلاثة أيام ومش عارف أتقابل معاك برضه
فأردت أن أوثق المباركة لك هنا فقط
وربنا ينفعك بيها يارب وتكون فاتحة خير عليك في مزيد من النجاحات إنشالله

غير معرف يقول...

1 تيرا بايت مبروك ياعم احمد وإن شاء الله عقبال كل الشهادات اللي بتتمنى تاخدها في حياتك وابقى ابعتلنا الكتب والأسئلة علشان جايز ربنا يكرمنا ونفكر في الموضوع

Unknown يقول...

زووم , عبد السلام, رضا باشا
الله يبارك فيكم يارب:)


رضا
هاجهزهلك الحاجه وابعتهالك باذن الله

غير معرف يقول...

السلام عليكم
مبروك الشهادة اخي اذا تتكرم وتبعثلي الملفات على petiterosepetalsِ@yahoo.com
و عيد سعيد للجميع مقدما

Ahmed Yehia يقول...

الف مبروك على النجاح و من تفوق الى تفوق ان شاء الله و على فكره اللى انت كاتبه نفع ناس كتيير قوى و انا واحد منهم بس كنت عايز اعرف اللينكات بتاعت
الكتب لو سمحت
e-mail: ourfreedominmyheart@hotmail.com
و ليك الشكر و التقدير

Unknown يقول...

ربنا يوفقك باذن الله
:)
بعتلك الكتاب علي ايميلك
ourfreedominmyheart@hotmail.com

Unknown يقول...

لو احتجت الامتحانات قلي برضه وانا ابعتها لك باذ ن الله

Ahmed Yehia يقول...

و الله انت ذوق و ربنا يكرمك

Ahmed Yehia يقول...

انا كنت عايز اسئلك انا نزلت امتحانات كتيير بس ارقامهم 310-025
310-035
و هكذا هيه ديه امتحانات حلوه ل 310-055
اصل فيها حاجات غريبه جداو اصعب من الامتحانات بتاعت 310-055
و شكرا جزيلا و ربنا يكرمك

Unknown يقول...

كل امتحان جافا وله الكود الخاص بيه فاللي يهمك هي الامتحانات الخاصه بSCJP 5.0 بس


310-035
ده بتاع جافا 1.4 مش 1.5
http://www.sun.com/training/catalog/courses/CX-310-035.xml

310-025
ده مش عارف بتاع ايه صراحه ومش لاقيله حاجه علي جوجل

بس ما تشغلش بالك بيهم علي كل حال

Ahmed Yehia يقول...

شكرا جزيلا يا بشمهندس احمد

غير معرف يقول...

السلام عليكم
اولا مبروك انتم السابقون و نحن الاحقون

اذا ممكن انا محتاج الكتاب مع امثلة الاسئلة لانو مش لاقيها

شكرا
hussein_al_nuaimi@hotmail.com

Unknown يقول...

راجع ايميلك من فضلك يا حسين

Ahmed Yehia يقول...

السلام عليكم
انا يا بشمهندس محتاج الامتحانات
وربنا يكرمك و هيديك على كل حرف حد يتعلمه من وراك حسنات كتيير قوى
و الك جزيل الشكر

Unknown يقول...

ourfreedominmyheart
بعثت لك الامتحانات علي ourfreedominmyheart@hotmail.com

غير معرف يقول...

اولا الف مبروك
ثانيا ممكن تبعتلى الكتاب
والامتحانات الى حضرتك ذكرتهم
master_of_fci2010@yahoo.com

غير معرف يقول...

الف الف الف شكر ليك يا باش مهندس احمد على الكتاب والامتحانات ادعيلى بقى انى افهمهم كويس واخد الشهاده

بس لى سوءال

هل الشهاده نفعتك فى سوق العمل ام لا
يعنى حضرتك ممكن تشتغل بمجرد فهمك التام للعمل واخذ الشهاده

ارجو ان تقول لى خبرتك فى هذا الموضوع

وشكرا

SmartCoder
Faculty Of Computer And Information
Cairo University
Second Year

هذا هو الايميل
master_of_fci2010@yahoo.com

Unknown يقول...

smartcoder
هي نفعتني في شغلي طبعا لاني بقيت فاهم اكتراللي انا بعمله وبتساعدك انك تشتغل باحترافيه اكثر
المهم وانت بتذاكر انك تكون بتذاكر بغرض الفهم ومحاوله معرفه التفاصيل والالمام باللغة
بعني متكونش داخل وعينك علي اسئلة الامتحان بس
اكيد الشهادة -لو كنت واخدها بفهم- هتفرق معاك في التقديم للعمل
وفي النهايه الموضوع كل ارزاق وما علينا غير السعي, وندعوا لك بالتوفيق باذن الله :)

غير معرف يقول...

شكرا الك على هذه المعلومات الرائعه ارجوا منك تبعتلي الكتاب على اميلي وبعض من نماذج الاسئله
www_samina@yahoo.com

Unknown يقول...

تم الارسال علي
www_samina@yahoo.com

Tamurai يقول...

السلام عليكم ورحمة الله وبركاته
مبروك يا أحمد ولو انه متأخرة سنة :))
موضوعك أثر في نفسيتي جدا يا احمد
عارف ليه ؟؟؟ :(
لأني كان المفروض أدخل الامتحان انهارده
بس للأسف كنت مذاكر من الكتاب المنيل اياه
الحمد لله على كل حال...انا بدأت تاني في كتاب كويس وربنا ييسر...
كان ليا سؤال عندك...بالنسبة للإمتحان بتاع اليومين دول هل بييجي من التيست كينج أو باس فور شور؟؟
ولو ممكن تبعتلي الملفات أكون شاكر ليك
bigbadaboom@gmail.com

Unknown يقول...

tamurai
ليه بس كده يا عم :)
المهم أنك تكون غطيت الexam objectives كويس و حل الامتحانات هي المقياس لذلك فلو لقيت نفسك شغال كويس في الحل توكل علي الله وادخل الامتحان.
علي العموم أرسلت لك ما عندي علي الايميل: bigbadaboom@gmail.com
بخصوص سؤالك : لا أدري حقيقة أيهم أقرب للامتحان.

Tamurai يقول...

جزاك الله خيرا يا أحمد
مكنتش متخيل انك هتبعتهم بالسرعة دي
انا ان شاء الله هدخل على آخر الاسبوع ده أو اول الاسبوع الجي
انا معايا الvoucher خلاص
بس شدة الامتحان بقى...ادعيلي

Unknown يقول...

بالمناسبة في الكتاب الذي أرسلته لك ستجد في اخر كل فصل أربع أو خمس ورقات فيها ملخص الفصل علي هيئة نقاط تحت عنوان Two Minutes Drill يمكن أن تقرأها بدلا من أن تبدأ في قراءة الفصل بأكلمه والفصل الذي تجد أنك بحاجه لقرائته قم بقرائته هو فقط.

غير معرف يقول...

ألف مبروك
من فضلك أرجو أن ترسلي الكتب والامتحانات.
الاميل:
hanya.radwan@hotmail.com

Unknown يقول...

أرسلت لك الملفات عليhanya.radwan@hotmail.com

بالمناسبه قمت برفع الملفات أيضا علي موقع 4Shared واللنكات تم اضافتها للمدونه لمن يريد.

mohamedelmahdy.com يقول...

جزاك الله خير يا باشمهندس أحمد ، انا كنت محتاج للمعلومات دى جدا ودعيتلك والله
شكرا جدا جدا

Unknown يقول...

بالتوفيق إن شاء الله.
أو مبروك ان كنت خلصت الامتحان :)

Ali يقول...

السلام عليكم الف مبروك يا باشمهندس مع انها متاخره شويه
وجزاك الله خيرا اخى الكريم على الافادة, انا وزمايلى كنا بنبحث عشان نمتحن ان شاء الله وتخيل احنا كنا بدأنا من يومين فى الكتاب اللى حذرتنا منه الحمد لله اننا لقينا البوست بتاعك.. احنا مذاكرين servlet& jsb من كتاب head first بس لقينا لازم نمتحن j2se الاول السؤال هنا احنا لازم نمتحن SCJP قبل SCJD ? والفلوس بتاعت الامتحان300$ بتكون للاتنين ولا كل امتحان ليه voucher ؟ واخيرا احنا نزلنا الكتاب McGraw-Hill - SCJP Sun Certified Programmer for Java 5 Study Guide (Exam 310-055) - 2006 تفتكر دا كفايه ولا حضرتك تنصحنا بكتاب تانى ؟
وجزاك الله خير

Unknown يقول...

ألله يبارك فيك و بالتوفيق باذن الله.
"احنا لازم نمتحن SCJP قبل SCJD ? "
نعم لابد من ذلك
http://education.oracle.com/pls/web_prod-plq-dad/db_pages.getpage?page_id=140

والفلوس بتاعت الامتحان300$ بتكون للاتنين ولا كل امتحان ليه voucher ؟
كل امتحان بتكون له فلوسه ومكتوب علي الموقع السابق 202 استرليني !

واخيرا احنا نزلنا الكتاب McGraw-Hill - SCJP Sun Certified Programmer for Java 5 Study Guide (Exam 310-055) - 2006 تفتكر دا كفايه ولا حضرتك تنصحنا بكتاب تانى ؟
هو الكتاب ده ممتاز فعلا لكن انصحك بتحميل الكتاب الخاص بالاصدارة 6 من جافا
يمكنك تحميله من هنا
http://www.4shared.com/document/OKbxtMgA/SCJP_Sun_Certified_Programmer_.html

غير معرف يقول...

السلام عليكم الف الف مبروك على الشهاده انا نفسى امتحن وانجح فى الامتحان ان شاء الله لو ممكن ترسل الامتحانات فى الايميل laylaosman90@yahoo.com وجعله الله فى ميزان حسناتك

Unknown يقول...

السلام عليكم
للأسف ليس لدي ملفات خاصة بالإصدارة الحالية من الإمتحان.