كشكولي الخاص ستجد فيه آرائي وكتاباتي و خواطري وربما يومياتي .. أتمني أن تستمع بوقتك هنا ومرحبا بك في أي وقت :)

الأحد، 5 أغسطس 2007

اول تاج




وصلني واجب من صديقي الكبير محمد(عصفور المدينة) والحل تحت :
اسم مدونتك؟
كشكولي

لماذا اخترته ..وماهي نيتك من وراء اختياره؟
من وأنا صغير كنت دايما كل فترة باجيب كشكول أكتب فيه مواقف من اللي بتحصلي وأحيانا خواطر - يمكن حاجه غريبة علي طفل بس أنا أعتقد ان دي سمة طبيعية لطفل انطوائي:)- ولسه محتفظ بيهم لغاية دلوقت ولكن جت فترة بعد كده بطلت أكتب في الكشكول ولما ظهرت المدونات رجع لي الحنين القديم وسميت المدونة كشكولي

هل فكرت في إغلاق مدونتك؟ والسبب؟
لا, وان كنت حاليا قليل التدوين ولكن لا أري مبرر أبدا لأن (يغلق) أحدهم مدونته أو موقعه الخاص , فالمدونات هي نافذة تطل علي منظر رائع فيه أجزاء مرت علينا في حياتنا وسجلناها وفيه وأفكار وقيم نتمني أن ننشرها بين الناس فلماذا نغلق تلك النافذة ؟

صورتك في المدونة ورمزيتها ؟؟
صورة نجمة بحر , ليس لها مدلول مباشر لكن أعجبتني الألوان في الصورة (الأزرق والأبيض) والصورة فيها نوع من الهدوء الذي أحس به عندما أدخل لأدون

لماذا دخلت عالم التدوين من الاساس؟
كما قلت هي عادة معي من زمن ,و أيضا في التدوين أحاول أن أعود نفسي علي التعبير عن رأيي ومشاركة الاخرين بما يدور في أفكاري وحياتي بالاضافه الي انه عندما تكتب عن فكرة أو سلوك فأنت تكون أول المطالبين بتنفيذه والالتزام به وعندما تكتب عن سلبيه ما فأنت تكون أول المطالبين بالبعد عنها تقدر تقول يعني نوع من التدبيس لنفسك بأن تلتزم بما تقول


جمله قيلت لك فى وصف مدونتك؟
مرة ذكرني الأستاذ عصفور في تدوينه له بعنوان التدوين


التعليقات بالنسبه لك ,اهميتها؟
أول ما بدأت أدون كنت لا أهتم ان علق أحد علي موضوعي أم لا لكن بعد فترة من الكتابه تجد أنك تحتاج للتعليقات بشدة لتعرف هل هناك أحد يسمعك ام لا ومن يسمعك هل يؤيديك هل يعارضك في نقطة ما هل أسلوبي ممل هل أستطيع أن اوصل الفكره التي أحملها أم لا .. باختصار التعليقات برأيي مهمه جدا للمدون لكي يستمر ولكي يحسن من نفسه

احلى بوست كتبته ...ضع اللينك , ثم اذكر لماذا؟
في أكثر من واحده بس تقدر تقول ان هناك في الافق ليها طعم خاص لأنها كانت مكتوبه علي الهواء مباشرة من الموبايل :)

أفضل بوست قرأته؟ وضع لينكه؟
كتير جدا وصعب أقول ايه احسن لان في معيار التفاضل هنا يختلف حسب طبيعه الموضوع الذي يتناوله البوست بس ما يحضرني حاليا هو بوست الحيدة
أفضل مدونة قرأتها؟
مدونات كثيرة وكل مجال تدويني له مدونة مفضله عندي بس تقدر تقول ان مدونة عصفور المدينة من اكثر المدونات اللي باتابعها (تصدق لسه حالا واخد بالي اني معنديش لسته للمدونات المفضله في مدونتي) :)

حد قل أدبه فى التعليق إيه رد فعلك؟
لم يحدث لي ذلك الموقف حتي الان واعتقد ان رد الفعل يكون مرتبط بالموقف فساعة ما يحصل -ولا نرجو ذلك- هاشوف رد فعلي هيكون ايه :)

أسوأ مدونة؟
كثير ما هم واسوأ تلك العينات هم العلمانيون
أسوأ بوست أسوأ مدون...............
في السجن حاليا

هيحصل ايه لإيميلك لما تموت ؟؟
ممكن أتبرع بيه :)

اديت الباسوورد لحد قبل كده؟
لزوجتي
كانت إيه طبيعة علاقتك بيه؟
زوجتي :)
اسمك؟
أحمد
المشهور بيه وسط اصحابك؟
درعه

شخصيتك نوعها إيه؟
مدرستش علم نفس قبل كده بس هو الشخص اللي بيحب الكمبيوتروالانترنت والقعدة في البيت والقراءة والشغل(اللي علي الكمبيوتر برضه) وبيسمع أكثر منه بيتكلم واصحابه مش كتير وممكن تقول كمان دمه تقيل شويه ووزنه زائد حبتين يبقي اسم شخصيته ايه ؟ لو حد عرف يبقي يقولي :)
السفر بالنسبة لك؟
اذا كان في مركبه مكيفة (ايا كان نوعها) فانا احبه لأنه فرصه للتفكير والاستماع للخطب والاناشيد التي احبها

وقت فراغك بتعمل فيه إيه؟
بقالي فتره كبيره معنديش وقت فراغ بس لما بيحصل ممكن اشوف فيلم جرافيك أو اقرأ مجله ومفيش مانع من حين بعيد لاخر ابعد منه اني اخرج اتمشي
المود بتاعك؟
هادئ بشكل عام

الاكلة المفضلة؟
كتير :) بس انا باعز الكباب والكفته

الصفات اللي أخدتها من بابا؟
حاجات كتير بس ممكن اختار منها البحث عن الحق وعدم التشدد والحياد في الحكم والكرم وحب الناس ومساعدة الغير
الصفات التي أخدتها من ماما ؟
حاجات كتيرممكن اختار منها الطيبه والعاطفيه

اكتر ست حاجات بكرهها؟
وزني الزائد :) - الظلم - الحيده - التشدد - النفاق - الكفر واهله


اكتر ست حاجات بحبها؟
أبي وأمي- زوجتي - مكة المكرمة - نعمة الاسلام - الرجوع للحق- التفوق والنجاح
الشغل بالنسبة لك؟
تحدي أحبه

الانترنت بالنسبه لك؟
جزء كبير من حياتي وثقافتي

امرره لمين ؟ وحان وقت التدبيس
المدونين اللي احب امرر ليهم سبق ووصلهم التاج ده

هناك 4 تعليقات:

عصفور المدينة يقول...
أزال المؤلف هذا التعليق.
عصفور المدينة يقول...

جميل يا حمادة
مافيش حد قال عليك دمك تقيل دي أبدا أول مرة اسمعها سمعت وزنك تقيل لكن دمك دي جديدة
صفات أخذتها من والدك
العين الناقدة وهي مرتبطة باللي قبلها
حب الاتقان
حب العائلة
حب الاستمتاع بالمباحات

وأشياء أخرى جميلة

الطائر الحزين يقول...

جميل يا باشمهندس
بس على صوتك شوية

أحمد الدرعه يقول...

عصفور
طب مقولتش ايه الحاجات اللي مش جميلة :D

الحزين
احم احم كده حلو ؟